Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
Til – davlat timsoli, mulki, ruhi, millatning madaniy va maʼnaviy boyligi, xalqning madaniyati, urf-odati, uning turmush tarzi, tarixidir. 1989-yilning 21-oktyabr kuni O‘zbekistonda davlat tilining huquqiy asoslarini belgilash boʻyicha “Davlat tili toʻgʻrisida”gi Qonun qabul qilinib, unga koʻra oʻzbek tiliga davlat tili maqomi berildi. Oʻzbek tiliga davlat tili maqomi berilganining 34 yilligi mamlakatimiz boʻylab keng nishonmoqda.
Shu munosabat bilan, joriy yilning 19-oktyabr kuni “Hududgaz Namangan” gaz taʼminoti filiali majlislar zalida “Qadring baland bo‘lsin, ona tilim” shiori ostida maʼnaviyat soati oʻtkazildi. Tadbirda Oʻzbekiston va Ozarbayjon yozuvchilar uyushmasi aʼzosi, Doʻstlik ordeni sohibasi Dilbarxon Haydarova ishtirok etdi.
Davra suhbatida oʻzbek tilining huquqiy maqomini belgilashda yengib oʻtilgan qiyinchiliklardan tortib hozirgi kunda tilimizning boy imkoniyatlaridan keng foydalanish uchun yaratilgan shart-sharoitlar hamda davlat tilini yangi pogʻonaga olib chiqish borasida qilinayotgan saʼy-harakatlar alohida eʼtirof etildi.
Oʻzbek tilining xalqaro miqyosdagi obroʻ-eʼtiborini yuksaltirish uchun uni milliy va umumbashariy tushunchalar asosida taraqqiy etgan tillar safiga kiritishda oʻz hissamizni qoʻshishimiz zarurligi hamda har birimizdan tilimizga chuqur hurmat bilan yondashishni talab etishi taʼkidlandi.
“Hududgaz Namangan” gaz taʼminoti filiali boshlangʻich kasaba uyushmasi.