Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
“Hududgaz Navoiy” gaz taʼminot filiali tasarrufidagi Navbahor tumanida joylashgan gaz toʻldirish shoxobchasida filialning moddiy resurslardan oqilona foydalanish va korrupsiyaga qarshi siyosatni amalga oshirish boʻlimi yetakchi mutaxassislari tomonidan ogohlantiruv profilaktik suhbati oʻtkazildi. Unda GTSH hamda tumangaz gaz taʼminoti boʻlimi xodimlari ishtirok etishdi.
Profilaktik tadbirda filial yetakchi mutaxassisi Sh.Tog‘ayev suyultirilgan gazni qabul qilish, saqlash, aholidan olib kelingan maishiy gaz ballonlarni belgilangan meʼyor darajasida toʻldirish va ogʻir qoldiqlar toʻliq toʻkib olinishiga eʼtibor qaratish, talon-tarojliklarga yoʻl qoʻymasliklari lozimligi xususida gapirdi.
Shuningdek, yigʻilish qatnashchilariga Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni mazmun va mohiyati haqida tushuntirildi. Gaz taʼminoti tizimida korrupsiyaga qarshi kurash yoʻnalishida amalga oshirilayotgan tadbirlar va ularning natijalari toʻgʻrisida aytildi. Gaz toʻldirish shoxobchasida oʻrnatilgan ichki tartib intizomga amal qilmaslik, lavozim yoʻriqnomasida belgilangan vazifalarini lozim darajada bajarmaslik hamda oʻz vazifasini suiisteʼmol qilish xayrli oqibatlarga olib kelmasligi alohida taʼkidlandi.
Aholiga suyultirilgan gaz yetkazib berishda texnika va yongʻin xavfsizligi qoidalariga rioya qilish, suyultirilgan gaz yetkazib beriladigan MFY raislarini bir kun oldin xabardor qilish, shuningdek, ID karta doimo isteʼmolchining oʻz qoʻlida boʻlishi va ushbu ID kartalardan boshqa isteʼmolchilar yoki gaz taʼminoti xodimlari foydalanmasligini taʼminlash hamda korrupsion holatlarga yoʻl qoʻymaslik zarurligi har bir xodimga uqtirildi.
Bundan tashqari, mehnat intizomiga rioya etilmagan hollarda qonunchilikka asosan mehnat shartnomasi bekor qilinishigacha boʻlgan choralar koʻrilishi haqida ogohlantirildi.
“Hududgaz Navoiy” gaz taʼminoti filiali matbuot xizmati