Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
“Hududgaz Buxoro” gaz taʼminoti filiali va tuman, shahar gaz taʼminoti boʻlimi xodimlari tomonidan aholi hamda ulgurji isteʼmolchilarining tabiiy gazdan foydalanish masalalari oʻrganilmoqda. Oʻrganishlar davomida esa bir qator qonun va qoidabuzilishlar aniqlanmoqda.
Jumladan, Kogon tumani Sadriddin Ayniy mahallasining Temir bogʻa qishlogʻida istiqomat qiluvchi fuqaro tabiiy gazdan foydalanish qoidalariga zid ravishda noqonuniy, hech qanday hujjatlarsiz, hisoblagichsiz tabiiy gazga oʻzboshimchalik bilan ulangan.
Ushbu mahallada istiqomat qiluvchi yana bir fuqaroning xonadoni koʻzdan kechirilganida tabiiy gazdan noqonuniy foydalanish holatlari aniqlandi. Unga koʻra isteʼmolchi noqonuniy, oʻzboshimchalik bilan gaz hisoblash uskunasidan tashqari rezina shlang orqali tabiiy gazdan foydalangan.
Tumandagi Taraqqiyot mahallasining Adolat nuri koʻchasida istiqomat qiluvchi fuqaro xonadonida ham noqonuniy ravishda, oʻzboshimchalik bilan gaz hisoblash uskunasiz, tashqari rezina shlang orqali tabiiy gazdan foydalanganlik aniqlandi. Yuqoridagi barcha holatlar yuzasidan dalolatnoma rasmiylashtirilib, jarimalar belgilangan va hujjatlar huquqni muhofaza qiluvchi tashkilotlarga topshirilgan.
“Hududgaz Buxoro” gaz taʼminoti filiali matbuot xizmati