Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
Jamoatchilik nazoratini kuchaytirgan holda korrupsiyaga qarshi kurashish uchun joylarda tizimli ishlar amalga oshirilmoqda. Taʼkidlash lozim, bugun ushbu salbiy illatga qarshi kurashish dolzarb vazifalardan biri boʻlib kelmoqda. Har bir idora va tashkilot xodimlari orasida korrupsiyaning oldini olish maqsadida targʻibot tadbirlari, tushuntirish ishlari tashkil etilmoqda. Jumladan, “Hududgaz Buxoro” gaz taʼminoti filiali “Moddiy resurslardan oqilona foydalanish va korrupsiyaga qarshi siyosatni amalga oshirish” boʻlimi xodimlari tomonidan ham “Qorovulbozortumangaz” gaz taʼminoti boʻlimida davra suhbati boʻlib oʻtdi.
Tadbirda korrupsiyaning kelib chiqishida sabab boʻluvchi omillar, oqibatlari, oldini olish maqsadida nimalarga eʼtibor qaratilishi haqida batafsil maʼlumotlar berildi. Har bir xodimning oʻz ish faoliyatiga eʼtiborli boʻlishi lozimligi taʼkidlandi.
Fikr va mulohazalar bildirildi, takliflar aytildi.
“Hududgaz Buxoro” gaz taʼminoti filiali matbuot xizmati