Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
O’tganlarni xotirlash, ularning xayrli ishlarini yodga olish, keksalarni qadrlash, hurmat, ehtirom ko’rsatish azaldan shakllanib kelayotgan an’analarimizdandir.
“9-may – Xotira va qadrlash kuni” – munosabati bilan gaz ta’minoti filiali Boshlang’ich Kasaba uyushmasi mas’ullari va gaz ta’minoti filiali rahbariyati tizimda tunni kunga ulab yillar davomida mehnat qilgan, erta vafot etgan 16 nafar fidoiy xodimlar xonadonida bo’lib, oila a’zolari holidan xabar olishdi. Xotirasi yodga olinib, barchaga ibrat bo’ladigan amallari ta’riflandi. Har bir xodimning tizim rivojidagi beqiyos mehnati alohida ta’kidlandi.
Inson qalbga mehri va muruvvati bilan yo’l topadi. Ezgu amallarning davomi sifatida, qadriyatlarimizning ulug’vorligini o’zida aks ettiruvchi ushbu sana yuraklarimiz tubiga mehr-muruvvat urug’ini qadaydi. Biz takror va takror qadrlashni, o’tganlar ruhini shod etib, xotirlashni o’rganamiz.
“Hududgaz Buxoro” gaz ta’minoti filiali matbuot xizmati