Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
“Hududgazta'minot” AJning xotin-qizlar kengashi raisi S.Karimova “Hududgaz Andijon” gaz ta'minoti filialida faoliyat yuritayotgan xotin-qizlar bilan uchrashdi. Uchrashuv davomida ayollar uchun yaratilgan mehnat sharoitlari va qulayliklar bilan tanishdi.
Bugungi kunda Jamiyatning “Hududgaz Andijon” filialida 106 nafar ayollar ishlamoqda. Shundan, 33 nafarini ayol chilangarlar tashkil qiladi. Shuningdek, ular Filialning barcha tadbirlarida, gaz sohasida olib borilayotgan islohotlarda faol ishtirok etmoqdalar. Uchrashuv davomida Filial boshlang‘ich xotin-qizlar kengashi rahbari Y. Xojimatova o‘tgan yil davomida amalga oshirilgan ishlar yuzasidan hisobot berdi.
“Andijonlik gaz sohasida faoliyat yurituvchi ayollarimiz barcha jabhalarda o‘z faolliklarini ko‘rsatib kelmoqda, - deydi Yoqutxon Xojimatova. – U chilangarmi yoki iqtisodchimi, farroshmi yoxud ijro bo‘limi ishchisimi, muhimi sohada faoliyat ko‘rsatmoqda. Filial rahbariyati tomonidan biz ayollar uchun barcha sharoitlar yaratilgan. Buni biz nafaqat har bir tadbir yoki bayramlar, balki oddiy ish kunlarida ham sezamiz. Ayollarimiz ham shunga munosib ravishda chin ko‘ngildan mehnat qilishmoqda..”
Uchrashuv yakunida gender tengligi loyihasi, Filialda ishlovchi ayollardan ham rahbar kadrlar tayyorlash masalasi va boshqa mavzularda fikr-mulohazalar almashildi.
“Hududgaz Andijon” gaz ta'minoti filiali matbuot xizmati