Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
“Hududgaz Buxoro” gaz taʼminoti filiali tomonidan joylarda kuz-qish mavsumiga tayyorgarlik ishlari boshlab yuborildi. Hududlarda gaz maromlash qurilmalari taftishdan oʻtkazilmoqda, taʼmirlanmoqda, gaz quvurlari rekonstruksiya qilinmoqda, ularda bosim ostida zichlikka sinash ishlari olib borilmoqda, holati tekshirilmoqda va boʻyoqlanmoqda.
Mavsumga tayyorgarlik ishlarining dastlabki davrlarida 300 dan ortiq gaz taqsimlash punktlari taftish qilindi, 11 kmdan ortiq gaz quvurlarida bosim ostida zichlikka sinash ishlari olib borildi, 64 km gaz quvurlari holati esa tekshirildi, 131 kmdan ortigʻi boʻyoqlandi.
Kogon shahrining “Istiqlol” mahallasi misolida oladigan boʻlsak, hududda gaz quvurlarida rekonstruksiya ishlari olib borilmoqda, boʻyoqlanmoqda, gaz maromlash qurilmalari esa nazorat qilinmoqda. Bugunga qadar “Kogongaz” korxonasi tomonidan 55 ta gaz maromlash qurilmalari taftish qilindi, qariyb 13 kmga yaqini boʻyoqlandi.
Jarayonlar viloyatning boshqa manzillarida ham davom etmoqda.
“Hududgaz Buxoro” gaz taʼminoti filiali matbuot xizmati