Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
Namangan viloyatida aholi asosan suyultirilgan gazdan foydalanadi. Hozirda viloyatda suyultirilgan gaz isteʼmolchilari 453 391 tani tashkil etib, ularga shu yilning yanvar-noyabr oylari davomida jami 67 269 tonna, noyabr oyida 6191 tonna suyultirilgan gaz yetkazib berildi.
Bu borada “Ҳудудгаз Namangan“ gaz taʼminoti filiali tomonidan shahar va tumanlarda ”mahallabay” ishlash mexanizmi asosida, har bir mahalla koʻchalarini kunlik suyultirilgan gaz bilan taʼminlash choralari koʻrilmoqda.
Jumladan, viloyatning olis va chegara hududi — Uchqoʻrgʻon tumanida aholi xonadonlariga muntazam suyultirilgan gaz ballonlari oʻz vaqtida yetkazilmoqda va isteʼmolchilar toʻlovlarni ID kartalar orqali amalga oshirmoqda. Noyabr oyida uchqoʻrgʻonlik 24 355 nafar isteʼmolchi 487 tonna suyultirilgan gaz bilan taʼminlandi.