Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
Boʻstonliq tumani hududida yashovchi 33 543 nafar aholiga tabiiy gaz quvurlar orqali yetkazib beriladi. Bu yerda “Mahallabay” ish tizimi yoʻlga qoʻyilgan.
Ayni paytda hududlarda energiya tejamkor gaz uskunalari va uning samaradorligi haqida isteʼmolchilarga zarur tushunchalar berilishi bilan birga, uni xarid qilishlari uchun savdo shoxobchalari ham tashkil etilyapti.
Boʻstonliqda 2024-2025-yillar kuz-qish mavsumiga hozirdanoq tayyorgarlik ishlari boshlab yuborilgan. Xususan, 343 dona gaz taqsimlash punktlari toʻliq taftishdan oʻtkazish rejalashtirilgan boʻlib, shu kunga qadar 57 donasida ishlar yakuniga yetkazilgan.
Aholiga bir meʼyorda tabiiy gaz yetkazib berish maqsadida gaz ta’minotini uch bosqichli tizimdan ikki bosqichli tizimga oʻtkazish ishlari davom ettirilyapti. Joriy yilda 20 965 ta xonadonni ikki bosqichli tizimga oʻtkazish koʻzda tutilgan boʻlib, bugunga qadar 9 572 ta xonadonda ishlar yakunlandi.
Toshkent viloyatida suyultirilgan gaz isteʼmolchilari soni 40 286 tani tashkil qiladi. Joriy yil boshidan bugungi kunga qadar suyultirilgan gaz bilan taʼminlanuvchi isteʼmolchilarga bir ming 900 tonnaga yaqin suyultirilgan gaz yetkazib berilgan.
Darvoqe, Boʻstonliq tumanidagi 23 ta mahallada yashovchi 8 309 ta isteʼmolchi uzluksiz suyultirilgan gazdan foydalanib kelmoqda. Buning uchun zarur qulaylik va imkoniyatlar yaratilgan. Gaz baloni, toʻlovlarni amalga oshirish bilan bogʻliq shart-sharoitlar bor.