Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
Bugungi kunga kelib “Olmaliqshahargaz” gaz taʼminoti tasarrufida tabiiy gaz quvurlarining jami uzunligi – 464 kilometrni tashkil etib, shundan 231,32 kilometri yer osti hamda 232,68 kilometri yer usti gaz quvurlari hisoblanadi. Aholiga tabiiy gaz bilan tahminlashda shahar bo‘ylab 133 ta gaz taqsimlash nuqtalari o‘rnatilgan. Shulardan 14 tasi yuqori bosimli, 119 tasi o‘rta bosimlidir.
Shaharda tabiiy gaz taʼminotini “Xilol” MFYdagi Bobur, Ibn Sino, Matkabilova, O‘rikzor va Rudaki ko‘chalarida yaxshilash maqsadida hududda joylashga yer usti o‘rta bosimli gaz quvurlarini xalqalash ishlari olib borildi. Shuningdek, shahardagi “Navro‘z” MFY aholisida gaz taʼminotini yaxshilash maqsadida RD-50 rusumli gaz taqsimlash nuqtasi o‘rniga RDBK1-25 rusumli gaz taqsimlash nuqtasi o‘rnatilib foydalanishga topshirilgan.
Shu bilan birga, Olmaliqda barpo etilayotgan yangi O‘zbekiston massividagi ko‘p qavatli uylarni tabiiy gaz bilan taʼminlash maqsadida yer usti yangi gaz quvurlari o‘rnatildi.
Ayni paytda “Olmaliqshahargaz” mutaxassislari tomonidan isteʼmolchilarga tabiy gaz bilan taʼminlashni yana-da yaxshilash borasida bir nechta keng ko‘lamli ishlar rejalashtirilmoqda.
“Hududgaz Toshkent” gaz taʼminoti filiali Matbuot kotibi