Ijtimoiy faoliyat

Targ’ibotlar davomida iste’molchilarning aksar qismi nosoz dudburonlardan foydalanib kelayotganligi, nostandart gaz jihozlarining zamonaviy energotejamkorga almashtirilmaganligining guvohi bo’lish mumkin. 

Joylarda olib borilayotgan tushuntirishlarda bu kabi holatlar baxtsiz hodisalarga sabab bo’lishi ta’kidlanmoqda. 

Xususan, Peshkuda gaz ta’minoti bo’limi hamda tuman Favqulodda vaziyatlar bo‘limi xodimlari hududning “Mustaqillik” mahallasidagi hovli-xonadonlar, “Yangibozor” dagi ko’p qavatli turar joy iste’molchilariga is gazini keltirib chiqaruvchi omillar, ularning oldini olish hamda e’tiborli bo’lish lozimligi to’g’risida ma’lumotlar berishdi. Yo’riqnomalar tarqatildi. Tabiiy gazdan to’g’ri foydalanish, qonunbuzilishlariga yo’l qo’ymaslik tushuntirildi. Jarayonlar viloyatning boshqa hududlarida davom etmoqda.

“Hududgaz Buxoro” gaz ta’minoti filiali matbuot xizmati