Ijtimoiy faoliyat

2024 yil 11 noyabr kuni “Hududgaz Toshkent” GTF Boshlangʻich kasaba uyushma qoʻmitasi tomonidan Oʻzbekiston kasaba uyushmalari Federatsiyasining oʻquv markazida “Oʻzbekiston kasaba uyushmalari kuni” munosabati bilan “Yangi Oʻzbekiston-yangi kasaba uyushmalari” shiori ostida maʼrifiy-madaniy tadbir oʻtkazildi.

Tadbirda soʻzga chiqqan mehmonlar kasaba uyushma faxriylari kasaba uyushmalarining oʻtmish va hozirgi kundagi faoliyati hamda amalga oshirilayotgan ishlar toʻgʻrisida oʻz fikrlarini bildirib, yigʻilganlarni bayram bilan tabriklashdi. Kasaba uyushmasi faollari va qoʻmita raislariga bayram munosabati bilan sovgʻalar topshirildi.

Tadbir davomida Kasaba uyushmalari muzeyi, Tashkent Сity hududidagi “Parvazli teatr”, Magic City hududidagi “Ocenarium”, “Minor”, “Xast-Imom” masjidlari va Oq-saroydagi koʻrgazmalar muzeylariga tashriflar tashkil etildi. Sayohat davomida diqqatga sazovor joylarga tashkil etilgan tashrif barchada oʻzgacha taassurot qoldirdi.

“Hududgaz Toshkent” GTF