Ijtimoiy faoliyat

Toshkentdagi “Zakovat arena”da 11-noyabr Kasaba uyushmalari kuni munosabati bilan “Hududgaztaʼminot” AJ va uning hududiy filiallaridagi ishchi-xodimlar oʻrtasida Zakovat intellektual oʻyinining final bosqichi oʻtkazildi. Mingdan ortiq gazchilar, yuzlab yoshlar ishtirokida oʻtgan hududiy saralash bosqichida gʻolib chiqqan jamoalar sovrinli oʻrinlar uchun bahs olib bordi.

Musobaqada “Zakovat” NNT prezidenti Abdurasul Abdullayev tomonidan tayyorlangan savollar orqali xodimlarning turli sohalarga oid bilimlari sinovdan oʻtkazildi. Murosasiz kechgan bahslardan keyin sovrindorlar aniqlandi:

1-oʻrin: “Hududgaz Buxoro” GTF

2-oʻrin: “Hududgaztaʼminot” AJ Ijro apparati

3-oʻrin: “Hududgaz Jizzax” GTF

Sovrinli oʻrinlarni qoʻlga kiritgan jamoalarga “Hududgaztaʼminot” AJ tomonidan maxsus kubok, medal va pul mukofotlari topshirildi.

Musobaqa yakunida “Hududgaztaʼminot” AJ Boshqaruv raisining birinchi oʻrinbosari M.Yakubov ishtirokchilarga jamiyat rahbari M.Xodjayevning tabrigini yetkazib, ularning faoliyatiga muvaffaqiyatlar tiladi. Xodimlar intellektual salohiyatini oshirishga xizmat qiladigan Zakovat oʻyinlari soha vakillari orasida muntazam oʻtkazib turilishi va bu ishchi-xodimlar kayfiyatiga ijobiy taʼsir oʻtkazishini qayd etdi.

“Hududgaztaʼminot” AJ matbuot xizmati