Ijtimoiy faoliyat

Baxtsiz hodisaning kelib chiqishida aslida e’tiborsizlik sabab bo’lishi mumkin. Bugun joylarda hamkor tashkilotlar ishtirokida targ’ibotlar olib borilmoqda. Tushuntirishlar berilmoqda. Ijtimoiy obyektlarda yo’riqnomalar tarqatilmoqda. Seminarlar tashkil etilmoqda. Asosiy maqsad bitta – xavfsizlikni ta’minlash, mavsumni betalofot o’tkazish. Ammo shunday bo’lsa-da, ba’zi iste’molchilar xavfsizlik qoidalariga rioya qilmay, nostandart isitish moslamalari, tozalanmagan va ishlatishga yaroqsiz bo'lgan dudburonlardan foydalanib kelmoqda. 

Jumladan, Shofirkon tumanida hamkor tashkilotlar ishtirokida o’tkazilgan o’rganishlarda ba’zi aholi xonadonlardagi dudburonlarning nosozligi, nostandart gaz jihozlari bilan birga rezina shlanglardan foydalanilayotganligi, gaz so’rg’ichlarni ishlatib, qoidabuzarlik qilayotganlar aniqlandi. Targ’ibotlar davomida bu kabi holatlar baxtsiz hodisalarni keltirib chiqarishi mumkinligi ta’kidlandi. Ularni bartaraf etish, dudburonlarni tozalash hamda energiya tejovchi uskunalardan foydalangan holda tabiiy gazni tejash bilan bir qatorda xavfsizlikni ta’minlash mumkinligi ham tushuntirilmoqda. 

Jarayonlar viloyatning boshqa hududlarida davom etmoqda. 

“Hududgaz Buxoro” gaz ta’minoti filiali matbuot xizmati