Ijtimoiy faoliyat

11 Noyabr- “O‘zbekiston Kasaba uyushmalari kuni” munosabati bilan joylarda turli bayram tadbirlari, kechalar, uchrashuvlar bo‘lib o‘tmoqda. Shunday tadbirlardan biri “Hududgaz Navoiy” gaz taʼminoti filialida filial boshlang‘ich kasaba uyushmasi tashabbusi bilan o‘tkazildi.

Sana munosabati bilan gaz taʼminoti tizimida uzoq yillar mehnat qilgan va bugungi kunda keksalik gashtini surayotgan gazchilar holidan xabar olindi. Ular xonadoniga borildi, samimiy suhbat qurildi, ko‘p yillik sohada olib borgan fidoiy mehnati eʼtirof etildi. Shuningdek, kasaba uyushma tomonidan tashkil etilgan esdalik sovg‘alari topshirildi.

-         Ancha yillar gaz sohasida ishlab, nafaqaga chiqdim, - deydi faxriylardan biri Davron Rahimov. – Bugun kamtarona mehnatimizni eʼtirof etib, yo‘qlashganidan boshimiz osmonga yetdi. Bu har qanday inson uchun o‘zgacha kayfiyat, xursandchilik bag‘ishlaydi. Barcha tashkilotchilarga o‘z rahmatimni aytaman.

Darhaqiqat, mashaqqatli ammo sharafli faoliyat olib borgan gazchilarni eslash, ularni ko‘nglini olish xayrli ishdir. Viloyatda bu kabi tadbirlar davom etmoqda.

“Hududgaz Navoiy” gaz taʼminoti filiali matbuot xizmati