Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
“Hududgaztaʼminot” AJ tizimida ochiqlik, shaffoflik, jamoatchilik oldida hisobdorlikni taʼminlash, korrupsiyaga qarshi kurashish, shuningdek, jamoatchilik nazoratini samarali amalga oshirish maqsadida fuqarolarning huquqlari, erkinliklari va qonuniy manfaatlariga daxl qiluvchi eng muhim masalalar yuzasidan ijtimoiy soʻrovlar va tahlillar oʻtkazish maqsadida joriy yilning may oyida Jamiyat huzuridagi Jamoatchilik kengashi raisi Sh.Ahmedov Qashqadaryo viloyatida, Jamoatchilik kengashi raisining oʻrinbosari A.Kamilov Fargʻona viloyatida boʻldilar.
Qarshi shahrining “Shayxali” va “Taraqqiyot” mahallalaridagi aholi va tadbirkorlar bilan uchrashilib, ochiq va toʻgʻridan-toʻgʻri muloqotlar amalga oshirildi. Muloqotlar davomida Rеspublika Vazirlar Mahkamasi tomonidan “Yoqilgʻi-enеrgеtika sohasida bozor mеxanizmlarini joriy etishning qoʻshimcha chora-tadbirlari toʻgʻrisida” gi Qarorining mazmun mohiyati, korrupsion holatlarni oldini olish, toʻlov madaniyati, gazdan xavfsiz va oqilona foydalanish xususida fikrlashildi.
“Hududgaz Fargʼona” gaz taʼminoti filiali va uning tuman (shahar) gaz taʼminoti boʻlimlarida korrupsiyaga qarshi kurashish sohasida amalga oshirilgan ishlarning natijadorligi joyiga chiqib tahlil qilindi va oʻtkazilgan tahlillar natijalari boʻyicha sohada korrupsiyaga qarshi kurashish tizimini yanada takomillashtirish boʻyicha qoʻshimcha takliflar bildirildi.