Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
Shubhasizki, bugungi kunda dunyoda bartaraf etilishi lozim bo‘lgan eng birlamchi masalalardan biri korrupsiyadir. Insonlarda korrupsiyaga qarshi immunitetni shakllantirish esa hech qachon kech emas.
Shu sababli korrupsiyani yo‘q qilish, unga qarshi kurashish maqsadida gaz ta'minoti korxonlarida ham bir qator ishlar amalga oshirilmoqda. Jumladan, “Hududgaz Andijon” gaz ta'minoti filialining “Moddiy resurslardan oqilona foydalanish va korrupsiyaga qarshi siyosatni amalga oshirish” bo‘limi tomonidan shahar-tuman gaz ta'minoti bo‘limlari xodimlari ishtirokida “Korrupsiya – taraqqiyot kushandasi” mavzusida davra suhbatlari o‘tkazilmoqda.
Har bir uchrashuvlarda mavzu yuzasidan ma'ruzachilar, O‘zbekiston Respublikasining 2017 yil 3 yanvaridagi “Korrupsiyaga qarshi kurashish to‘g‘risida”gi Qonuniga ko‘ra, “Korrupsiya” — shaxsning o‘z mansab yoki xizmat mavqesidan shaxsiy manfaatlarini yoxud o‘zga shaxslarning manfaatlarini ko‘zlab moddiy yoki nomoddiy naf olish maqsadida qonunga xilof ravishda foydalanishi, xuddi shuningdek bunday nafni qonunga xilof ravishda taqdim etish ekanligini yig‘ilish ishtirokchilariga tushuntirib o‘tmoqdalar.
“To‘ri va halol ishlagan odamning umri halovatda bo‘ladi. Korrupsiya - jamiyat taraqqiyoti uchun juda xavfli jinoyat bo‘lib, u nafaqat xufyona, balki korrupsiyaga doir munosabatlarga kirishgan tomonlarning o‘zaro kelishuviga binoan sodir etiladi, - deydi Filialning “Moddiy resurslardan oqilona foydalanish va korrupsiyaga qarshi siyosatni amalga oshirish” bo‘limi xodimi Tursunboy Rasulov . - Aksariyat hollarda u tegishli hokimiyat organlariga shikoyat berilishiga sabab bo‘lmaydi, chunki g‘ayriqonuniy kelishuvdan ikkala tomon ham naf ko‘radi. Hatto pora so‘rash hollari ustidan ham kamdan-kam holda shikoyat qilinadi, Korrupsiya harakatlari odatda davlat faoliyatining mutaxassis bo‘lmagan kishilar tushunishi ancha qiyin bo‘lgan o‘ziga xos turlarida sodir etiladi va u o‘ta moslashuvchan jinoyatdir. Biz davra suhbatlarida xodimlarimizga ana shularni tushunmoqdamizki, ertaga ular orasida adashganlar uchramasin...”
Har bir davra suhbatlarida so‘zga chiqqanlar tomonidan, korrupsiya va tamagirlikka yo‘l qo‘ymaslik, uning oqibatlari haqida aytib o‘tilyapti hamda ushbu xatti-harakat yuzasidan qonunchilik bazasi mustahkamlab qo‘yilganligi, jazoning muqarrarligi to‘g‘risida tushuntirishlar berilmoqda.
“Hududgaz Andijon” gaz ta'minoti filiali matbuot xizmati