Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
“Hududgaz Andijon” gaz ta'minoti filialining “Paxtaobodtumangaz” gaz ta'minoti bo‘limida sohada amalga oshirilayotgan antikorrupsion siyosat mazusiga bag‘ishlangan ochiq muloqot bo‘lib o‘tdi. Unda suyultirilgan va tabiiy gaz yetkazib berish bo‘limlari chilangarlari, uy ichi gaz jihozlariga xizmat ko‘rsatish xodimlari bilan fikr-mulohazalar almashildi.
“Hududugaz Andijon” gaz ta'minoti bo‘limining “Moddiy resurslardan oqilona foydalanish va korrupsiyaga qarshi siyosatni amalga oshirish” bo‘limi xodimlari tomonidan rahbariyat va uning tarkibiy bo‘linmalarida korrupsiyani oldini olish, huquqbuzarlikni o‘z vaqtida aniqlash, profilaktik tadbirlarni o‘tkazish, korrupsiya huquqbuzarlikni sodir etganlik uchun javobgarlikning muqarrar ekanligi yig‘ilish qatnashchilariga tushuntirildi. Shuningdek, korrusiyaga eltuvchi holatlar haqida aniq misollar asosida ma'lumot berildi.
O‘zbekiston Respublikasi Jinoyat kodeksining 210-moddasi “Pora olish”, 211-moddasi “Pora berish” va 212-moddalari “Pora olish-berishda vositachilik qilish” moddalarida aynan korrupsiya bilan bog‘liq jinoyatlar uchun javobgarliklar ko‘zda tutilganligi yana bir bor yetkazildi.
Ta'kidlanganidek, demokratik qadriyatlar qaror topib borayotgan bir vaqtda davlat xizmatchilari tomonidan poraxo‘rlik, mansab mavqeini suiiste'mol qilish bilan bog‘liq jinoyatlarning sodir etilishi hokimiyatning obro‘sizlanishiga, davlatning siyosiy, iqtisodiy, huquqiy tizimiga putur yetishiga, natijada amaldagi hokimiyatga nisbatan norozilikka sabab bo‘ladi. Korrupsiyaning ma'lum bir mamlakatda rivojlanishi esa o‘sha davlatning tanazzuliga olib keladi.
Shuni alohida aytish joizki, korrupsiya jinoyati har qanday jinoyat kabi davlat va jamiyatning barqarorligi, tinchligi, ayniqsa taraqqiyoti uchun xavfli hisoblanadi. Unga qarshi nafaqat huquqni muhofaza qiluvchi organlar, balki barchamiz hamkorlikda kurashsakkina bu illatning ildizini quritishga erisha olamiz.
Tadbir yakunida, ishtirokchilar korrupsiyaga qarshi kurashish har bir davlat xizmatchisining burchi ekanligi to‘g‘risida keng fikr-mulohazalarni bildirishdi.
"Hududgaz Andijon” gaz ta'minoti filiali matbuot xizmati