Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
“Hududgaz Buxoro” gaz ta’minoti filialida “O’zbekiston Respublikasi Konstitutsiyasi to’g’risida”gi O’zbekiston Respublikasi Konstitutsiyaviy qonun loyihasining mazmun-mohiyatiga bag’ishlangan tadbir tashkil etildi. Unda gaz ta’minoti filiali xodimlari hamda mas’ullari ishtirok etishdi.
Ma’lumki, O’zbekiston Respublikasi Konstitutsiyasi to’g’risida”gi O’zbekiston Respublikasi Konstitutsiyaviy qonuni loyihasi bo’yicha O’zbekiston Respublikasi referendumini o’tkazishga ham sanoqli kunlar qoldi. Mazkur qonun loyihasi rasman e’lon qilinganidan so’ng barcha tomonidan sinchiklab o’rganilmoqda. Jumladan, gaz ta’minoti filialida ham bugun tashkil etilgan tadbir davomida kiritilayotgan o’zgartirishlar, ularning inson hayotidagi ahamiyati xususida fikr bildirildi. Shuningdek, yangi tahrirga asosan Konstitutsiyadagi moddalar 128 tadan 155 taga, undagi normalar esa 275 tadan 434 taga ko’payganligi, umuman, 65 foizga o’zgartirilayotganligi ta’kidlandi. Kiritilayotgan o’zgartirishlar moddama-modda tushuntirildi.
Bir so’z bilan aytganda, yangilanayotgan O’zbekiston Respublikasi Konstitutsiyasi xalqimizning barcha xohish-istaklarini o’zida mujassam qilgan “Хalq Konstitutsiyasi”ga aylanadi. Tadbir davomida bunga urg’u berilar ekan, so’zga chiqqanlar barchani 2023-yil 30-aprel kuni o’tkaziladigan referendumda faol ishtirok etishlariga chaqirdi.
“Hududgaz Buxoro” gaz ta’minoti filiali matbuot xizmati