Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
Korrupsiyaning oldini olish, gaz taʼminotida xodimlarning ish samaradorligini oshirish hamda mehnat faoliyatini yanada tizimli tashkil etish maqsadida joylarda profilaktik tadbirlar davom etmoqda.
Ushbu tadbirlar gaz taʼminoti boʻlimlari, gaz toʻldirish shoxobchalarida filialning “Moddiy resurslardan oqilona foydalanish va korrupsiyaga qarshi siyosatni amalga oshirish” boʻlimi xodimlari tomonidan tashkil etilib, har bir xodim funksional vazifalaridan kelib chiqqan holda ish olib borishi, korrupsiyaga yoʻl qoʻymaslik, bu kabi holatlar kuzatilsa, zudlik bilan uning oldini olish choralariga eʼtibor qaratilishi hamda tegishli idora xodimlariga murojaat qilinishi zarurligi taʼkidlandi. Shuningdek, korrupsiyaning oqibatlari toʻgʻrisida ham toʻxtalib oʻtildi. Xususan, Oʻzbekiston Respublikasi Jinoyat kodeksining tegishli bandlariga asosan jazolanishi mumkinligi qayd etildi. Kodeksning mazmun-mohiyatiga alohida eʼtibor qaratildi.
“Hududgaz Buxoro” gaz taʼminoti filiali matbuot xizmati