Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
Házirgi waqıtta rayon boyınsha jámi hárekettegi 407,8 kilometr gaz tarmaqları bar bolıp, sonnan 53,5 kilometri joqarı basımlı, 65,3 kilometri orta basım hám 288,9 kilometri tómen basım gaz tarmaqlarınan ibarat. Usı gaz tarmaqlarınıń 15,8 kilometri jer astında al, 392 kilometri jer ústinde jaylasqan. Sonday-aq, hárekettegi 230 dana gaz retlewshi punktler bar bolıp, sonnan 26 danası joqarı basımda, 204 danası orta basımda isleydi. Tábiyǵıy gaz tutınıwshılarına rayondaǵı 4 dana gaz retlewshi stanciyalar arqalı tabiyǵıy gaz jetkerip beriledi.
Gaz tarmaqların guz-qıs máwsimine tayarlaw boyınsha bir qatar ilajlar ámelge asırılıp, rejede belgilep alınǵan jumıslar alıp barılmaqta. Búgingi kúnge kelip rejedegi 220 dana gaz retlewshi punktlerdi texnikalıq kórikten ótkeriw jumıslarınıń 183 danasında ámelge asırıldı. Gaz tarmaqların hawa basımı astında sınaw hám tazalawda 20,2 km jumıslar ámelge asırıldı. Sonday-aq 15,8 km jer astı gaz tarmaqların arnawlı pribor járdeminde tekseriw 100% ǵa orınlandı ham 22,6 km gaz tarmaqların boyaw jumısları islenip bul jumıslar ele dawam ettirilmekte. Rejede belgilep alınǵan jumıslar óz waqtında ámelge asırılsa gúz-qıs máwsiminde gaz támiynatı boyınsha hesh qanday mashqalalar bolmaydı degen úmittemiz.
«Hududgaz Qaraqalpaqstan» gaz támiynatı filialı málimleme xızmeti