Yangiliklar

Bugungi kunga kelib Yangiyo‘l tumanida joylashgan 22 ta MFYlarda istiqomat qiluvchi jami 781 ta tabiiy gaz bilan gazlashtirilmagan aholi xonadonlari suyultirilgan ballonli gaz bilan taʼminlanadi. Agar tumanning hududlar kesimida olib qaraydigan bo‘lsak, suyultirilgan gaz ehtiyoji eng ko‘p bo‘lgan aholi xonadonlari “Said ota” va “Vatan” MFYlar hisoblanadi. Ularda mos ravishda 170 ta va 160 ta isteʼmolchilar istiqomat qiladi.

O‘tgan aprel oyi davomida tuman bo‘yicha isteʼmolchilarga tasdiqlangan jadval asosida umumiy hisobda 9,420 kg suyultirilgan ballonli gaz yetkazib berildi.

Aholiga qulaylik yaratish maqsadida mazkur jarayon raqamlashtirilgan tarzda amalga oshiriladi va ko‘rsatilgan xizmatga to‘lov onlayn ravishda xonadon egasining maxsus ID kartasi orqali bajariladi.

"Hududgaz Toshkent" gaz taʼminoti filiali Matbuot xizmati