Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
Xalqimiz orasida eʼtiborga muhtoj kishilardan xabar olish, ularning ogʻirini yengil qilish, ayniqsa atrofimizdagi qiyinchilik va sinovli damlarni boshidan oʻtkazayotgan insonlarga begʻaraz yordam qoʻlini choʻzish azaliy qadriyatlarimizdan biridir.
Ramazon hayiti munosabati bilan “Hududgaz Andijon” gaz taʼminoti filialining boshlangʻich kasaba uyushma qoʻmitasi tomonidan shahar va tuman gaz taʼminoti boʻlimlarida mehnat qilib kelayotgan 50 nafar ijtimoiy koʻmakka muhtoj xodimlarga oziq-ovqat mahsulotlari tarqatildi.
“Insonlarni qadrlash, kam taʼminlangan va ehtiyojmand oilalar holidan xabar olish, ularni har tomonlama qoʻllab-quvvatlash xalqimizga xos fazilatlardan biridir, — deydi Filial boshlangʻich kasaba uyushma qoʻmitasi raisi Gulchehraxon Mamatxoʻjaeva. – Har bir xodim va xodimalarimiga oziq-ovqat mahsulotlari topshirish jarayonida, ular bilan dildan suhbatlashmoqdamiz. Oilalarga qaratilgan eʼtibor oila ishtirokchilarni koʻnglini yanada ko‘tardi”.
Filialda olib borilayotgan ishlar, ehtiyojmand oilalarga koʻrsatilayotgan eʼtibor va gʻamxoʻrlik ularning hech birini mehr va eʼtibordan qolmasligidan dalolat beradi. Oziq-ovqat mahsulotlari bilan yoʻqlangan xizmatchilar va ularning oilalari suhbatlar davomida minnatdorliklarini izhor etishib, duoga qoʻl ochdilar.
“Hududgaz Andijon” gaz taʼminoti filiali matbuot xizmati