Yangiliklar

"Uychi tumani" gaz to‘ldirish shoxobchasida favqulodda vaziyatlarni bartaraf etishga bag‘ishlangan maxsus-taktik mashg‘ulotlari o‘tkazildi. Mashg‘ulotlar yong‘in-qutqaruv qismi, fuqaro muhofazasi, tibbiyot-sanitariya xizmati va harbiylashtirilgan gazdan qutqaruv otryadlari, tumandagi harbiy qism tezkor guruhi va boshqalar hamkorligida tashkil etildi.

Mashg‘ulotlar xavfli ishlab chiqarish obyektlarida yong‘inning oldini olish, shuningdek, favqulodda vaziyatlar paytida avariyaviy holatlarni bartaraf etish bo‘yicha amaliy ko‘nikmalarni takomillashtirish maqsadida o‘tkaziladi.

Rejaga asosan o‘quv mashqi shoxobchaning gaz kuyish sexida tan jarohat yetgan ishchini qutqarish va 1-tibbiy yordam ko‘rsatish, sodir bo‘lgan shartli yong‘inni tezkor o‘chirishdan iborat bo‘ldi.

Mashg‘ulot davomida qo‘yilgan maqsadlarga erishilib, fuqaro muhofazasi tuzilmasining hamkorlikdagi amaliy harakatlari bo‘yicha kelgusidagi vazifalar belgilab olindi.

"Hududgaz Namangan" GTF