Yangiliklar

Mehnat — muhabbatning farzandi erur,

Vijdonning yurakka payvandi erur,

Ey siz mehnatkashlar — qalblari billur,

Qadri ham, qaddi ham osmon boʻlingiz,

Mudom sogʻ boʻlingiz, omon boʻlingiz.

Tun-u kun tinmaysiz xalq uchun,

Xalq uchun mehnat bu Haq uchun,

Shu elga bagʻishlab bor kuchin,

Iymonga qoʻrgʻonday qalqon boʻlingiz,

Mudom sogʻ boʻlingiz, omon boʻlingiz.

Elni siylaganni el ham siylaydi,

El boshin silagan boshni silaydi,

El sizga yaxshilik, poklik tilaydi,

Tilakka munosib inson boʻlingiz,

Mudom sogʻ boʻlingiz, omon boʻlingiz.

Har uyning chirogʻi, oʻchogʻi yonsin,

Mehr-muhabbatdan quchogʻi yonsin,

Siz borsiz, koʻngillar yashnab, quvonsin,

Shonli yurt koʻksida bir shon boʻlingiz,

Mudom sogʻ boʻlingiz, omon boʻlingiz.

Biz tunda tushlarni koʻrayotgan on,

Yoki oʻy-u xayol surayotgan on,

Biz uchun dam olmay turguvchi inson,

Qadri ham, qaddi ham osmon boʻlingiz,

Mudom sogʻ boʻlingiz, omon boʻlingiz.

“Hududgaz Sirdaryo” gaz taʼminoti filiali matbuot xizmati