Yangiliklar

Havo harorati pasaygan ayni kunlarda aholi xonadonlariga gazni bir maromda yetkazib berish maqsadida gaz taʼminoti filiali va uning hududiy boʻlimlari xodimlari samarali mehnat qilmoqda. Surxondaryoda joylarda gaz maromlash qurilmalari nazorat qilinmoqda. Murojaatlar kelib tushsa avariya-tiklash brigadalari tomonidan oʻz vaqtida bartaraf etilmoqda.

Tun-u kun isteʼmolchilarni tabiiy gazdan foydalanishda ehtiyot choralarini koʻrish, isitish moslamalari, ovqat tayyorlash jarayonida gaz jihozlarini qarovsiz qoldirmaslik zarurligini eslatib oʻtish maqsadida targʻibot-tushuntirish ishlari olib borilmoqda.

Havo haroratining tushib ketganligiga qaramay aholiga bir maromda tabiiy gazni yetkazib berish maqsadida 24 soatlik ish rejimida faoliyat olib borilmoqda 15 ta avariya tiklash brigadalari shay holatga keltirildi. Texnik jihozlar bilan taʼminlandi. Quvonarlisi, yuzaga kelayotgan mavjud muammolar oʻz vaqtida bartaraf etilmoqda.

"Hududgaz Surxondaryo" gaz ta'minoti filiali matbuot xizmati