Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
“Hududgaz Navoiy” gaz taʼminoti filialida Navbahor, Konimex, Xatirchi, Nurota tumanlari avariya dispetcheri xizmatlari markazlashtirilgan boʻlib, aholiga 24 soat davomida “104” raqami orqali olingan gaz bilan bogʻliq muammoli vaziyatlar boʻyicha xizmat koʻrsatib kelinmoqda.
“Navoiyshahargaz”, “Zarafshonshahargaz”, “Karmanatumangaz”, “Qiziltepatumangaz” gaz taʼminoti boʻlimlarida esa alohida dispetcherlik xizmati yoʻlga qoʻyilgan.
Avariya dispetcherlik xizmatining asosiy vazifasi- gaz xoʻjaligidagi avariya va avariya holatlarini bartaraf etishdan iborat, yaʼni avariya holatlari va baxtsiz hodisalarni keltirib chiqarishi mumkin boʻlgan gaz quvurlari va undagi qurilmalarda yoki gaz jihozlaridagi nosozliklar, gaz sizib chiqish holatlarini zudlik bilan bartaraf etishdan iborat. Isteʼmolchilar tomonidan yuqoridagi holatlar boʻyicha chaqiruvlar boʻlganda dispetcher 5 daqiqa ichida Avariya tiklash brigadasini tegishli manzilga nosozlik yoki gaz sizib chiqish holatini bartaraf etish uchun joʻnatadi.
– Shuningdek gaz taʼminotidan xavfsiz foydalanish maqsadida gaz quvurlarida oʻrnatilgan rejimni taʼminlash, taʼminotning uzluksizligini kunu-tun nazorat qilish ham vazifamizga kiradi, — deydi “Hududgaz Navoiy” gaz taʼminoti filiali markaziy dispetcherlik xizmati boshligʻi Nazira Joʻrayeva. – Gaz hajmlarining hisobini yuritib, bir kun davomida viloyatga tarmoqlardan qabul qilib olingan gaz balansini shakllantirish ham dispetcherlik xizmatlari tomonidan amalga oshiriladi.
Joriy yilning oʻtgan yanvar-aprel oylari davomida viloyat boʻyicha “104” tasodif gaz xizmatiga qoʻngʻiroqlar soni 4173 tani tashkil etdi. Chaqiruvlarning koʻpchiligini gaz jihozlaridagi nosozlik, gaz sizib chiqishi bilan bogʻliq murojaatlardan iborat. Qabul qilingan barcha qoʻngʻiroqlar yuzasidan murojaatlar oʻrganilib, ijobiy hal etilishi taʼminlandi.
Aytish kerakki, isteʼmolchilar kecha-yu kunduz “104” avariya dispetcherlik raqamiga qoʻngʻiroq qilib, tasodif gaz holatlari boʻyicha murojaat qilish imkoniyatiga ega.
“Hududgaz Navoiy” gaz taʼminoti filiali matbuot xizmati