Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
2024-yilning 5-mart kuni gaz taʼminoti tashkilotlari tomonidan 97,3 million kub metr tabiiy gaz, 2369 tonna suyultirilgan gaz yetkazib berildi.
“Hududgaztaʼminot” AJning Respublika boʻyicha 262 ta avariya brigadalari joylarda muammolarni bartaraf etmoqda. 5-mart kuni avariya holatlari kuzatilmadi.
Aholining suyultirilgan gazga boʻlgan ehtiyojini tahlil qilish, isteʼmolchilar roʻyxatini shakllantirish, korrupsiya xavflari va koʻrsatilayotgan xizmatlar sifatini baholash maqsadida “Hududgaztaʼminot” AJ mutaxassislari tomonidan Qoraqalpogʻiston Respublikasi Amudaryo tumani, Andijon viloyati Shahrixon tumani, Buxoro viloyati Olot va Qorakoʻl tumanlari, Jizzax viloyati Gʻallaorol tumani, Qashqadaryo viloyati Qarshi, Gʻuzor, Koʻkdala va Kasbi tumanlari, Navoiy viloyati Xatirchi tumani, Namangan viloyati Uchqoʻrgʻon tumani, Samarqand viloyati Paxtachi va Samarqand tumanlari, Surxondaryo viloyati Qumqoʻrgʻon va Sherobod tumanlari, Sirdaryo viloyati Sayxunobod va Sirdaryo tumanlari, Xorazm viloyati Urganch tumani, Fargʻona viloyati Qoʻshtepa, Bagʻdod va Toshloq tumanlarida suyultirilgan gaz isteʼmolchilarini xatlovdan oʻtkazish ishlari davom ettirilmoqda.
“Hududgaztaʼminot” AJ fuqarolardan gazdan oqilona foydalanishni, uydan chiqib ketayotganda imkon qadar isitish jihozlarini oʻchirishni soʻraydi. Shu bilan birga, is gazidan zaharlanish xavfini oldini olish uchun nostandart isitish uskunalari va qoʻlbola yondirgichlardan foydalanmaslikni eslatib oʻtadi.
Qayd etib oʻtish kerak, shaxsiy hisob raqamini tekshirib turish, SMS xabarnomaga eʼtiborli boʻlish va tabiiy gaz taʼminoti uchun oʻz vaqtida toʻlovlarni amalga oshirish tabiiy gazdan toʻlaqonli foydalanish imkoniyatini beradi. Toʻlovlar oʻz vaqtida amalga oshirilmasa gaz taʼminotiga cheklovlar kiritiladi. Gaz taʼminoti xizmatlari uchun hisob-kitoblarni tuman gaz boʻlimlari va bank filiallarida, shuningdek, barcha toʻlov tizimlarining mobil ilovalari orqali 24/7 rejimida amalga oshirish mumkin.
“Hududgaztaʼminot” AJ tizimi mutaxassislari barcha takliflar, shikoyatlar va murojaatlarni 1104 telefon raqami orqali, gaz sizib chiqishi holatlari va boshqa texnik muammolarni bartaraf etish boʻyicha maʼlumotlarni 104 raqami orqali qabul qiladilar.