Yangiliklar

Bugungi kunda faoliyat yuritib kelayotgan “HGT Training center” oʻquv markazining asosiy afzalligi zamonaviy oʻquv dasturlari asosida boshqaruvchi xodimlar va tor doiradagi mutaxassislarning malakasini oshirishga kompleks yondashuvdan iborat.

“Hududgaztaʼminot” AJ tomonidan tasdiqlangan oʻquv rejaga asosan “HGT Training center” oʻquv markazi mutaxassislari “Hududgaz Xorazm” GTF va “Hududgaz Qoraqalpogʻiston” GTF xodimlari uchun oʻquv mashgʻulotlari oʻtkazishdi.

Unda xodimlarning tabiiy gazdan propan-butan aralashmasi ajratib olish, suyultirilgan uglevodorod gazning fizik-kimyoviy xossalari, maishiy gaz ballonlarini taʼmirlash va texnik tekshiruvdan oʻtkazish tartibi borasidagi bilim va koʻnikmalari oshirildi.

Kelgusida bu kabi oʻquv seminarlarni bosqichma-bosqich tashkil etish xodimlarni yanada tajribali boʻlishi uchun zamin yaratadi.

Oʻquv seminarlari yakunida qatnashchilar sertifikatlar bilan taqdirlandilar.

“Hududgaz Xorazm” GTF matbuot xizmati