Yangiliklar

“Hududgaz Namangan” gaz taʼminoti filiali tomonidan viloyatidagi suyultirilgan gaz isteʼmolchilariga suyultirilgan gazni oʻz vaqtida yetkazib berish jarayonida maishiy gaz ballonlaridan xavfsizlik qoidalariga rioya etgan holda toʻgʻri foydalanish boʻyicha tushuntirish ishlari olib borilmoqda.

Bu borada Pop, Uychi va Yangiqoʻrgʻon gaz toʻldirish inshootlaridagi maishiy gaz ballonlarni sinovdan oʻtkazish hamda taʼmirlash sexlari tomonidan tizimli ish tashkil etilib, joriy yilning I choragi davomida 12 988 donadan ortiq gaz ballonlar sinovdan oʻtkazildi, 4391 dona maishiy gaz ballonlar taʼmirlandi.

Shuningdek, 2024-yilning yanvar–mart oylarida isteʼmolchilarga 20 ming tonnadan ortiq suyultirilgan gaz yetkazib berildi.