Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
Xatirchi tumanidagi “Xatirchi-Uchqora” gaz toʻldirish shahobchasida tasdiqlangan reja-jadval asosida “Tabiiy va texnogen tusdagi favqulodda vaziyatlarni oldini olish” mavzusida seminar va oʻquv mashgʻuloti oʻtkazildi.
Oʻquv mashgʻuloti davomida “Hududgaz Navoiy” gaz taʼminoti filiali soha mutaxassislari tomonidan shoxobcha ishchi-xodimlari uchun zarur boʻlgan bilim va koʻnikmalar berildi. Jumladan, shoxobchadagi yongʻinga qarshi vositalardan favqulodda vaziyatlarda qanday foydalanish lozimligi, favqulodda vaziyatda xabar berish tarixi boʻyicha axborotlarni oʻz vaqtida yetkazish yuzasidan muhim maʼlumotlar yetkazildi. Bundan tashqari, gaz oʻtkazgichlardagi zulfinlardan gaz sizib chiqish holati oldini olish, ish qurollarining sozligiga eʼtibor berish, gaz quyish ustunlarida chaqmoqdan saqlashni yerlantirilganligi va boshqalar boʻyicha oʻquv mashgʻuloti koʻrinishida tavsiyalar aytib oʻtildi.
Shuningdek, oʻquv mashgʻuloti davomida rezina shlanglarni holati va sinovdan oʻtkazilganligi oʻz vaqtida amalga oshirilishi keng tushuntirildi.
Seminar yakunida xodimlarni qiziqtirgan savollarga mutaxassislar tomonidan atroflicha javob berildi.
“Hududgaz Navoiy” gaz taʼminoti filiali matbuot xizmati