Yangiliklar

Usı jıldıń 25-sentyabr kúni Nókis qalasındaǵı «Istiqlol» dem alıs baǵında Qaraqalpaqstan Respublikası Joqarǵı Keńesi baslıǵı, sektor basshıları, ministrlik hám basqarma baslıqlarınıń yuridikalıq hám fizikalıq shaxslardıń múrájatlerın esitiw boyınsha kóshpeli qabıllaw bolıp ótti. 

Kóshpeli qabıllawda gaz támiynatı menen baylanıslı sorawlarǵa «Hududgaz Qaraqalpaqstan» gaz támiynatı filialı direktorı X.Aymanov tárepinen juwap berilip, bar bolǵan maseleler unamlı sheshildi. Kóshpeli qabıllawda jámi 11 múrájat kelip tústi. 

Kelip túsken múrájatlerden Nókis qalası «Juwazshı» mákan puxaralar jıyını «Májnúntal» kóshesi 12 jay turǵını Kóshbaev Saparniyaz, «Shámenzar» kóshesinen Reymov Ádenbay, sonday-aq «Jańa bazar» mákan puxaralar jıyını «Shımbay aylanba» kóshesinen Dáuletov Quralbay, «Náwpir» mákan puxaralar jıyını «Náwbet» kóshesinen Nawrızbaev Seyfulǵabitlerden úylerine ornatılǵan elektron gaz esaplaw úskeneleriniń sırtqı qorǵaw karovkaları joqlıǵı haqqındaǵı múrájatları sol waqıttıń ózinde unamlı sheshilip, ornatılıp berildi.

Gaz támiynatı menen baylanıslı basqa múrájatler tiyisli taraw xızmetkerleri tárepinen 5 kún ishinde óz sheshimin tabadı.

«Hududgaz Qaraqalpaqstan» gaz támiynatı filialı málimleme xızmeti