Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
Har bir soha rivoji uchun bugungi kunning talabi zamonaviy texnologiyalar, yangi ish uslubi bilan yondashishni taqozo etmoqda.
Sohada tabiiy gaz sarfidagi yo‘qotishlarni oldini olish hamda iste’molchilarni barqaror energiya bilan ta’minlash maqsadida Toshkent shahrining o‘n ikkita tumanlarining chegara qismlariga, har bir tuman kesimida tabiiy gaz sarfini aniqlash, gaz sarfidagi tafovutlarning oldini olish uchun Toshkent shahrini 169 ta hudularga ajratilib, 182 dona gaz hisoblagichlar qo‘yish reja qilingan.
Jumladan, joriy yil boshidan "Hududgaz Poytaxt" gaz ta’minoti filialining barcha tuman bo‘limlari tomonidan Toshkent shahridagi tuman chegaralariga jami 139 ta gaz hisoblagichlar qo‘yildi. Rejaga muvofiq esa yana 43 ta gaz hisoblagich qo‘yish rejalashtirigan.
Tizimda raqamlashtirish, aniqlik, yuqori sifat ko‘rsatkichini oshirish hamda ortiqcha ovoragarchiliklarnitp oldini olish maqsadida O‘zbekistonda ilk bor, o‘xshashi bo‘lmagan Italiyaning Piyetro Fiorentini kompaniyasi tomonidan ishlab chiqarilgan zamonaviy gaz taqsimlash punkti 2021-yil Toshkent shahrining Shayxontohur tumaniga sinov tariqasida o‘rtnatilgan edi.
Bugungi kunga kelib ushbu gaz taqsimlash punktlaritsh Toshkent shahrining barcha tumanlariga o‘rnatish rejalashtirilgan. Ma’lumot o‘rnida Toshkent shahrida jami 3 054 ta gaz taqsimlash punktlari mavjud bo‘lib, ushbu GTPlarni 2023-yil yakuniga qadar zamonaviy GTPlarga almashtirish ko‘zda tutilgan.
"Hududgaz Poytaxt" gaz ta’minoti filiali matbuot xizmati