Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
Inson salomatligi har narsadan ustun, qolgan tushunchalar ana shu sog‘liqqa bevosita bog‘liq. Shunday ekan, isteʼmolchi va uning oilasining sog‘-salomat bo‘lishiga xonadondagi gaz jihozlarining texnik jihatdan soz bo‘lishi muhim omillaridan biri hisoblanadi.
Toshkent viloyatining “Chirchiqshahargaz” gaz taʼminoti bo‘limi mutaxassislari ham aholining xavfsiz hayot kechirishlari yo‘lida uy ichi gaz jihozlariga texnik xizmat ko‘rsatish va profilaktik ko‘rik qoidalariga qatʼiy amal qilib, o‘z vazifalarini vaqtida bajarib kelishga intilishadi.
Bugungi kunga kelib Chirchiq shahri hududida 48 627 ta aholi va 779 ta ulgurji isteʼmolchilarga texnik xizmat ko‘rsatilib kelinadi. Joriy yilning aprel oyida “Chirchiqshahargaz” gaz taʼminoti bo‘limi xodimlari tomonidan shaharda joylashgan 905 ta aholi va 125 ta ulgurji isteʼmolchilarga texnik xizmat va profilaktik ko‘rik o‘tkazildi.
Bundan tashqari yuqoridagi ishlar davomida har bir isteʼmolchilarga gazdan oqilona va xavfsiz foydalanish kerakligi tushuntirilib, ogohlantirish xatlari taqdim qilindi.
“Hududgaz Toshkent” gaz taʼminoti filiali Matbuot xizmati