Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
O’zbekiston Respublikasi Prezidentining 2022 yil 15-16 mart kunlari Samarqand viloyatiga tashrifi davomida belgilangan ustuvor vazifalar ijrosini o’z vaqtida va sifatli ta’minlash yuzasidan “Hududgaz Samarqand” gaz ta’minoti filiali tomonidan amaliy ishlar bajarilmoqda.
Shu maqsadda, filialga qarashli “Samarqand” gaz to’ldirish stansiyasini modernizasiya qilish belgilangan bo’lib, bu yerda qurilish-ta’mirlash ishlari yakuniga yetkazilmoqda.
Modernizatsiya davomida stansiyaning moddiy-texnik bazasi to’liq qaytadan jixozlandi va 3 dona nasos, 2 ta kompressor, va 15 dona ikki taraflama gaz to’ldirishga ixtisoslashgan zamonaviy, energo tejamkor uskunalar o’rnatildi. Gaz to’ldirish stansiyasini modernizatsiya qilish yuzasidan rejalashtirilgan qurilish-montaj ishlari yakuniga yetkazilgandan so’ng, aholi xonadonlari va ijtimoiy soha obyektlari uchun suyultirilgan gaz yetkazib berish imkoniyati yanada kengayadi.
Shuningdek, stansiyada o’zimizda ishlab chiqarilgan asbob-uskunalar o’rnatilishi barobarida suyultirilgan gazni maishiy ballonlarga to’ldirishdagi tabiiy yo’qotishlarning oldi olinadi va gaz yetkazib berish miqdori ortadi.
Bularning barchasi, aholi xonadonlarini suyultirilgan gaz bilan o’z vaqtida va sifatli ta’minlash, xalqimizni rozi qilishga qaratilgani bilan ahamiyatlidir.