Saytda audio qo'llab-quvvatlash mavjud bo'lib, matnni eshitish uchun ushbu funksiya holatini tanlab qo'ying va kerakli matnni sichqoncha bilan belgilang
Oltinkoʻl tumanida “Hududgaz Andijon” gaz taʼminoti filiali tomonidan shahar-tuman gaz taʼminoti boʻlimlari bosh muhandislari va sanoat xavfsizligi muhandislari uchun koʻrgazmali seminar tashkil etildi.
Dastlab “Oltinkoʻltumangaz” gaz taʼminoti boʻlimida tabiiy gaz tarmoqlarida amalga oshirilgan ishlar, taʼminotni yanada yaxshilash borasida koʻrilgan amaliy choralar, “Obod qishloq” davlat dasturi doirasida bajarilgan harakatlar yuzasidan taqdimot oʻtkazildi. Soʻngra “Markaz” mahalla fuqarolar yigʻini oʻramidagi koʻchalarda tabiiy gaz yetkazib berishning uch bosqichli tizimidan ikki bosqichli tizimiga oʻtish, bunda gaz hisoblash uskunalariga regulyatorlar oʻrnatish, xonadonlardagi taʼminotni yaxshilash borasida qilingan ishlar bilan tanishildi. Seminar ishtirokchilarining navbatdagi manzilida “Katta Oqtepa” MFY oʻramidagi gaz quvurlarining estetik jihatdan tartibga keltirish boʻyicha jarayonlar koʻrsatildi.
“Katta Oqtepa” MFY oʻramida 9 kmdan ortiq gaz quvurlarimiz mavjud, — deydi “Oltinkoʻltumangaz” gaz taʼminoti boʻlimi boshligʻi Salohiddin Sodiqov. – Joriy yilda 4 kmga yaqin quvurlar estetik jihatdan tartibga keltirilib, boʻyoqlanishi rejalashtirilgan”.
Shu kuni “Intizom” MFYda “Obod qishloq” davlat dasturi doirasida, shuningdek “Koʻmakay” avtomatik gaz tarqatish shoxobchasi gaz quvurlarini optimizatsiyalash va estetik jihatdan tartibga keltirish boʻyicha qilinayotgan ishlar boʻyicha tanishuv davom etdi. Seminar Oltinkoʻl tumanidan amalga oshirilayotgan ishlar muhokamasi bilan oʻz yakuniga yetdi.
“Hududgaz Andijon” gaz taʼminoti filiali matbuot xizmati