Seminarlar

“Hududgaz Andijon” gaz taʼminoti filialida “Tabiiy gaz nazorati va hisobini yuritishning avtomatlashtirilgan tizimi” loyihasi doirasida mutaxassislar uchun seminar tashkil etildi. Unda yigʻilganlarga “Hududgaztaʼminot” AJ, “Texnopark” va “Texnogarant” masʼuliyati cheklangan jamiyati mutaxassislari tomonidan elektron gaz hisoblash uskunasining ishlashiga doir masalalarda bilim va koʻnikmalar taqdim etildi.

Seminarda zamonaviy hisoblagichlarning nosoz holga kelib qolgan aloqa batareyalarini “Texnogarant” MChJ xodimlari tomonidan “Hududgaztaʼminot” AJ hududiy filiallari mutaxassislari bilan birga almashtirish jarayonini tezlashtirish va texnik nosozliklar kuzatilganda zudlik bilan bartaraf etish masalasiga alohida eʼtibor qaratilmoqda.

Kunning ikkinchi yarmida seminar amaliy mashgʻulotlar bilan davom ettirildi. Izboskan tumanidagi “Ittifoq” MFY “Qum” koʻchasida joylashgan koʻp qavatli 1-uyning 7-xonadonida istiqomat qiluvchi isteʼmolchi Anvarjon Nusratullayev hisoblagichdagi muammo yuzasidan “Hududgaz Andijon” gaz taʼminotiga murojaat qilgan. Mashgʻulot davomida ishtirokchilarga muammoni aniqlash hamda uni bartaraf etish amalda koʻrsatib berildi. Seminar davomida tizim xodimlarining mana shu boradagi malakasi oshirildi hamda mavzu yuzasidan savollar va fikr-mulohazalar almashildi.

“Hududgaz Andijon” gaz taʼminoti filiali matbuot xizmati