Seminarlar

Islom Karimov nomidagi Toshkent davlat texnika universiteti talabalari uchun "HGT Training centre" o‘quv markazida qisqa muddatli o‘quv mashg‘ulotlar tashkil etildi.

Unda universitetning "Neft va gaz" fakulteti Gaz jihozlaridan foydalanish va ularga xizmat ko‘rsatish, Neft va gaz sanoati mashina va jihozlari, Quvur transporti tizimlari inshootlari va ularning obyektlarini taʼmirlash yo‘nalishlarining 4-bosqich bitiruvchilari ishtirok etmoqda. Mashg‘ulotlar davomida talabalar elektron gaz hisoblash uskunalarini o‘rnatish, billingaz dasturidan foydalanish tartibi, hamda tabiiy gaz hisobining avtomatlashtirilgan tizimi faoliyati bo‘yicha bilim va ko‘nikmalarga ega bo‘ladilar.

O‘quv jarayonlarini muvaffaqiyatli tamomlagan bitiruvchilarga sertifikatlar topshiriladi va ular o‘z yashash hududlaridagi gaz taʼminoti filiallarida ish bilan taʼminlanadilar.

“Hududgaztaʼminot” AJ matbuot xizmati