Seminarlar

Xodimlar malakasini oshirish maqsadida “Hududgaz Konsalting” masʼuliyati cheklangan jamiyati tomonidan gaz taʼminoti filiallarida oʻquv mashgʻulotlari tashkil etilmoqda. Jumladan, Buxoro viloyatida ham.

Buxoro tumanidagi sinov sexida ushbu sinov sexi va “Qorakoʻl”, “Vobkent” gaz toʻldirish shoxobchalarida faoliyat olib borayotgan ballonlarni texnik tekshiruvdan oʻtkazish mutaxassislari malakasini oshirish maqsadida oʻquv mashgʻuloti oʻtkazildi. Unda ishtirok etgan soha vakillari oʻzlariga kerakli boʻlgan bilim hamda koʻnikmaga ega boʻlishdi. Ish mezonini shakllantirish uchun mutaxassislar tomonidan maʼlumotlar turli diagramma va chizmalar asosida tushuntirildi. Berilgan savollarga batafsil javob berildi.

“Hududgaz Buxoro” gaz taʼminoti filiali matbuot xizmati